Badjak na Zbeljavi i f Kočenu
Božič je nojlepši svetek. Čez sakuga od nas nekšni mer i spokoj prejde da se zmisli Božiča vu svoji hiži dok je biv još čistam malo dete. Ko se nej zmisliv kinđi na boru, nekšne svetešje duhe v zroku, dišečih gibanici i slame spod stola. Uni malo starejši zmisliju se i japice kak nosi slamu f hižu ..
Tak je rono i denes. Kak da je f se, česa god jega no ti zemli pod kapom nebeskum i f saku čovečju dušu zišev nekvi blagoslov. Za zvezdi kaj jih je Božek drogi tam gori stvoriv nekvi mer se je na Zemlicu restepev.
Četiri mala sela, kaj veliju da su zdavna zdavna sporadi vode na kočaj hiže imela, stisnula su se vu ovi mrzli noči jeno kre druguga. Kočen do Kočena, tri put tak, pak unda k jimi i Zbeljava. Mesto bele cvetuče hajdine hižice je prekriv beli sneg. Denes ne pocaju stope, si glavni seljočki posli več su gotuvi.
Badjak je denes. Denes je den da se se preprovi za rođeje maloga Jezušeka i da saka hiža bode kredu za veliki svetek.
Gazda je morhi v jutro zaron zasnoživ i dev ji čuda jesti. Štalica mora zgledati kak Bok zapoveda, a morha mora biti namerena. I ta sremaška seločka štalica bu mela del blagoslovljene štalice f koji se bu taki Isusek narodiv. Muškorec je i drva nakolav za čudaj dni napre, a unda je ritek slame prepraviv pak se je f kuhju ženi javiv i zginuv z grunta. Da je što išev za jenguvimi trogi po belomu snegu bi videv da se je f šumu navrnuv. Malo je zagledav za por storih drevi i mom je mehja našev. To bu za jaslice.
Da je dimo došev v gojku je s čižem stepev sneg i hukav f premržejene roke. Kuhja je dišala. Deca, sa nekak v iščekivaju su se motala po kuhji, a mater ih je saki čas opomijala. Jena mlajša dekla prebirala je kinđe za bor, a starejša pak je od pisanoga papera kinđe delala. Babica su na klopi prebirali jabuke božičnice, metali na stron une lepše pak im vezojke na kliček vezali. Su si usput postiham popevali janu božičnu pesmicu. Saki čas se križali i sklopali svoje store smežurane roke na molitvu.
Gazda si je malo ober rinki zgrev roke, preruljivih ih je i otišev nazoj na dvorišče. Zev je širočko. Trebalo je još bora našpičiti i na stolek ga nasaditi. Mala drobna puckica stisnula je nosek na obločec pak je lukala kaj to japica delaju.
Došlo je vreme obeda. Z roleka je zadišav lepi zapečeni koščičjak. Ne bilo znati po čem bole deši, po kaši ili črnomu olju. Kakti posno jelo gazdarica ga je naveke prvi pot od nove žetve baš na Badjak preprovljala. Gazdi pak je milo došlo kolo srca. Jengova pola na kojima je se to zroslo vezda su pod belim snegecom. Kuljko je seločke moke vutem cimpletu koščičjaka. Srečen je. Zno da takvoga jela nega v okolnim selima. Itak je samo Kočenec i Zbeljevec košar.
Cela je družina još celo večerku prevurjala ka se se preprovi za zutrašji svetek. Zutra na smeti nikaj delati. Dok su babica z jabukami zgotovili išli su f prvu hižu nojti nojlepšega stoljaka kaj ga čuvleju f svoji škriji. Te bu za hvečer. Na jenga bu se delo koledo – zemlena zdelica s žitom sej feli, pak malo drobnih penes i jeden samo zo tu priliku spečeni kruhek. Spod pak toga lepoga z rokum našitoga stoljnjaka složila se bu slama f križ, pak unda još f ukrog. Te kolutek dev se je sredi križa, kakti Isusova kruna. Polek koleda se je dela sveča i križ i v janu zdelicu prfkači, a mati kak mati- rekla je deci da ne moraju se na jemput pojesti.
Bor se je najpredi donesev f gajk, unda pak dale f hižu kre ubloka. Kakvo je to veselje bilo. Bor je dišav, deca su grajala kolo jenga pak se je vidlo kak da su borove grane roke koje su se k deci previle. Mom su se kinđe počele vesiti na jenga, a un je i dale kozav svoje grane i dišav, dišav... Babica su f fortufu donesli i jabučice. Za sakuga se je nekaj našlo na bora prikačiti, a za gazdu pak špicu nateknuti.
A tek mehej, i gipsane ofčice. Veselju neje bilo kraja, a boži je štalici falela još samo slamica.
Deca su jedva čekala un čas dok više neje den, a još neje niti kmica. To je biv čas da japa doneseju slamicu i f prelepi kočenskii zbeljefski bajalici veliju se kaj im je na duši za dobrobit vu drugi leti i se kaj su od svojih stareši od starine zapamtili...
(Prečitano f cerkvi Uskrsnuča Isusovoga f Kočen Marofu predi polnočke dve jezere i trenojstuga leta od košara Vladeka Horvatića. Potli čitaja su Slavek Mavriček i jenguva hižna tovarušica Micika složili pred ultorum božični stol s koledom, a Danijel Stanek je donesev ritek slame i kakti f stora vremena dev ga pud stol. Je pri tom rekev i kočensku i zbeljevsku bajalicu.)
Tak je rono i denes. Kak da je f se, česa god jega no ti zemli pod kapom nebeskum i f saku čovečju dušu zišev nekvi blagoslov. Za zvezdi kaj jih je Božek drogi tam gori stvoriv nekvi mer se je na Zemlicu restepev.
Četiri mala sela, kaj veliju da su zdavna zdavna sporadi vode na kočaj hiže imela, stisnula su se vu ovi mrzli noči jeno kre druguga. Kočen do Kočena, tri put tak, pak unda k jimi i Zbeljava. Mesto bele cvetuče hajdine hižice je prekriv beli sneg. Denes ne pocaju stope, si glavni seljočki posli več su gotuvi.
Badjak je denes. Denes je den da se se preprovi za rođeje maloga Jezušeka i da saka hiža bode kredu za veliki svetek.
Gazda je morhi v jutro zaron zasnoživ i dev ji čuda jesti. Štalica mora zgledati kak Bok zapoveda, a morha mora biti namerena. I ta sremaška seločka štalica bu mela del blagoslovljene štalice f koji se bu taki Isusek narodiv. Muškorec je i drva nakolav za čudaj dni napre, a unda je ritek slame prepraviv pak se je f kuhju ženi javiv i zginuv z grunta. Da je što išev za jenguvimi trogi po belomu snegu bi videv da se je f šumu navrnuv. Malo je zagledav za por storih drevi i mom je mehja našev. To bu za jaslice.
Da je dimo došev v gojku je s čižem stepev sneg i hukav f premržejene roke. Kuhja je dišala. Deca, sa nekak v iščekivaju su se motala po kuhji, a mater ih je saki čas opomijala. Jena mlajša dekla prebirala je kinđe za bor, a starejša pak je od pisanoga papera kinđe delala. Babica su na klopi prebirali jabuke božičnice, metali na stron une lepše pak im vezojke na kliček vezali. Su si usput postiham popevali janu božičnu pesmicu. Saki čas se križali i sklopali svoje store smežurane roke na molitvu.
Gazda si je malo ober rinki zgrev roke, preruljivih ih je i otišev nazoj na dvorišče. Zev je širočko. Trebalo je još bora našpičiti i na stolek ga nasaditi. Mala drobna puckica stisnula je nosek na obločec pak je lukala kaj to japica delaju.
Došlo je vreme obeda. Z roleka je zadišav lepi zapečeni koščičjak. Ne bilo znati po čem bole deši, po kaši ili črnomu olju. Kakti posno jelo gazdarica ga je naveke prvi pot od nove žetve baš na Badjak preprovljala. Gazdi pak je milo došlo kolo srca. Jengova pola na kojima je se to zroslo vezda su pod belim snegecom. Kuljko je seločke moke vutem cimpletu koščičjaka. Srečen je. Zno da takvoga jela nega v okolnim selima. Itak je samo Kočenec i Zbeljevec košar.
Cela je družina još celo večerku prevurjala ka se se preprovi za zutrašji svetek. Zutra na smeti nikaj delati. Dok su babica z jabukami zgotovili išli su f prvu hižu nojti nojlepšega stoljaka kaj ga čuvleju f svoji škriji. Te bu za hvečer. Na jenga bu se delo koledo – zemlena zdelica s žitom sej feli, pak malo drobnih penes i jeden samo zo tu priliku spečeni kruhek. Spod pak toga lepoga z rokum našitoga stoljnjaka složila se bu slama f križ, pak unda još f ukrog. Te kolutek dev se je sredi križa, kakti Isusova kruna. Polek koleda se je dela sveča i križ i v janu zdelicu prfkači, a mati kak mati- rekla je deci da ne moraju se na jemput pojesti.
Bor se je najpredi donesev f gajk, unda pak dale f hižu kre ubloka. Kakvo je to veselje bilo. Bor je dišav, deca su grajala kolo jenga pak se je vidlo kak da su borove grane roke koje su se k deci previle. Mom su se kinđe počele vesiti na jenga, a un je i dale kozav svoje grane i dišav, dišav... Babica su f fortufu donesli i jabučice. Za sakuga se je nekaj našlo na bora prikačiti, a za gazdu pak špicu nateknuti.
A tek mehej, i gipsane ofčice. Veselju neje bilo kraja, a boži je štalici falela još samo slamica.
Deca su jedva čekala un čas dok više neje den, a još neje niti kmica. To je biv čas da japa doneseju slamicu i f prelepi kočenskii zbeljefski bajalici veliju se kaj im je na duši za dobrobit vu drugi leti i se kaj su od svojih stareši od starine zapamtili...
(Prečitano f cerkvi Uskrsnuča Isusovoga f Kočen Marofu predi polnočke dve jezere i trenojstuga leta od košara Vladeka Horvatića. Potli čitaja su Slavek Mavriček i jenguva hižna tovarušica Micika složili pred ultorum božični stol s koledom, a Danijel Stanek je donesev ritek slame i kakti f stora vremena dev ga pud stol. Je pri tom rekev i kočensku i zbeljevsku bajalicu.)